വാ​ഷിം​ഗ്ട​ൺ ഡിസി: റ​ഷ്യ​യി​ൽനി​ന്നു​ള്ള എ​ണ്ണ ഇ​റ​ക്കു​മ​തി അ​വ​സാ​നി​പ്പി​ക്കാ​ൻ ഇ​ന്ത്യ തീ​രു​മാ​നി​ച്ചതായി വൈ​റ്റ് ഹൗ​സ് പ്ര​സ് സെ​ക്ര​ട്ട​റി ക​രോ​ലി​ൻ ലെവി​റ്റ്. അ​മേ​രി​ക്ക​യി​ൽനി​ന്നും വെ​നസ്വേ​ല​യി​ൽനി​ന്നും ക്രൂ​ഡ് ഓ​യി​ൽ വാ​ങ്ങു​ന്ന​തു​ൾ​പ്പെ​ടെ​യു​ള്ള വി​പു​ല​മാ​യ വ്യാ​പാ​ര ക​രാ​റി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും യു​എ​സ് പ്ര​സി​ഡന്‍റ് ഡോണ​ൾ​ഡ് ട്രം​പും ധാ​ര​ണ​യി​ലെ​ത്തിയെന്നും ലെവിറ്റ് ഔ​ദ്യോ​ഗി​ക​മാ​യി അ​റി​യി​ച്ചു. കരാർ പ്രാബല്യത്തിൽ വരുന്നതോടെ, ഇ​ന്ത്യ​യി​ൽനി​ന്നു​ള്ള ഉ​ത്പന്ന​ങ്ങ​ൾ​ക്ക് അ​മേ​രി​ക്ക ചു​മ​ത്തി​യി​രു​ന്ന തീരുവ 18 ശ​ത​മാ​ന​മാ​യി കു​റ​യ്ക്കും.

തി​ങ്ക​ളാ​ഴ്ച മോ​ദി​യും ട്രം​പും ത​മ്മി​ൽ ന​ട​ത്തി​യ ഫോ​ൺ സം​ഭാ​ഷ​ണ​ത്തി​ലാ​ണ് നി​ർ​ണായ​ക തീ​രു​മാ​ന​ങ്ങ​ൾ ഉ​ണ്ടാ​യ​ത്. മോ​ദി തന്‍റെ ഏ​റ്റ​വും അ​ടു​ത്ത സു​ഹൃ​ത്താ​ണെന്നു വി​ശേ​ഷി​പ്പി​ച്ച ട്രം​പ്, ഇ​ന്ത്യ​യു​മാ​യു​ള്ള വ്യാ​പാ​ര ബ​ന്ധം പു​തി​യ ത​ല​ത്തി​ലേ​ക്ക് എ​ത്തി​യ​താ​യി ട്രൂ​ത്ത് സോ​ഷ്യ​ൽ പോ​സ്റ്റി​ലൂ​ടെ വ്യ​ക്ത​മാ​ക്കി. ഇ​തി​നു മ​റു​പ​ടി​യാ​യി, ഇ​ന്ത്യ​ൻ ഉത്പന്ന​ങ്ങ​ൾ​ക്കു നി​കു​തി കു​റ​ച്ച ന​ട​പ​ടി​യെ 140 കോ​ടി ജ​ന​ങ്ങ​ൾ​ക്ക് വേ​ണ്ടി​യു​ള്ള വ​ലി​യ നേ​ട്ട​മാ​യി മോ​ദി​യും എ​ക്സിൽ വി​ശേ​ഷി​പ്പി​ച്ചു.

കാർഷികമേ​ഖ​ല​യ്ക്കു സം​ര​ക്ഷ​ണമെന്ന്

അ​തേ​സ​മ​യം, അ​മേ​രി​ക്ക​യു​മാ​യു​ള്ള പു​തി​യ ക​രാ​റി​ൽ ഇ​ന്ത്യ​യു​ടെ ത​ന്ത്ര​പ്ര​ധാ​ന മേ​ഖ​ല​ക​ളാ​യ കൃ​ഷി, ക്ഷീ​ര വ്യ​വ​സാ​യം എ​ന്നി​വ​യ്ക്കു പൂ​ർണ സം​ര​ക്ഷ​ണം ഉ​റ​പ്പാ​ക്കി​യി​ട്ടു​ണ്ടെ​ന്നു കേ​ന്ദ്ര വാ​ണി​ജ്യമ​ന്ത്രി പി​യൂ​ഷ് ഗോ​യ​ൽ അ​റി​യി​ച്ചു. ഈ ​മേ​ഖ​ല​ക​ളു​ടെ താ​ത്പര്യങ്ങ​ൾ ബ​ലി​ക​ഴി​ച്ചു​കൊ​ണ്ടു​ള്ള ഒ​രു വി​ട്ടു​വീ​ഴ്ച​യും ക​രാ​റി​ൽ ഉ​ണ്ടാ​യി​ട്ടി​ല്ലെ​ന്നും അ​ദ്ദേ​ഹം ഡ​ൽ​ഹി​യി​ൽ വാ​ർ​ത്താ സ​മ്മേ​ള​ന​ത്തി​ൽ പറഞ്ഞിരുന്നു. റ​ഷ്യ-​ യു​ക്രൈ​ൻ യു​ദ്ധ​ത്തി​ന്‍റെ പ​ശ്ചാ​ത്ത​ല​ത്തി​ൽ ആ​ഗോ​ള രാഷ്‌ട്രീ​യ സാ​ഹ​ച​ര്യ​ങ്ങ​ൾ മാ​റി​ക്കൊ​ണ്ടി​രി​ക്കെ, ഇ​ന്ത്യ​യു​ടെ ഈ ​നീ​ക്കം അ​ന്താ​രാ​ഷ്‌ട്ര ത​ല​ത്തി​ൽ വ​ലി​യ ച​ർ​ച്ച​ക​ൾ​ക്കു വ​ഴി​യൊ​രു​ക്കും. അതേസമയം, തങ്ങൾക്ക് ഇതേപ്പറ്റി വിവരമൊന്നുമില്ലെന്നായിരുന്നു റഷ്യൻ വൃത്തങ്ങളുടെ പ്രതികരണം.